Page 12 - public affair front covers-14

AWEMainta Diaranson, 10 Mei 2017 5

Mirando cu nan no por cumpli cu nan obligacionnan financiero

Por conclui cu Aruba Airlines tambe ta

confronta problema financierio serio

E situacion financiero di Aruba Airlines no ta nada
bon. Maske cu nan mes no ta sali bisa esey, pero si
mira kico a pasa cu nan no a cumpli na paga Dutch
Caribbean Air Navigation Service Provider, loke no
ta prome biaha, ta surgi pregunta of tambe a keda
constata cu Aruba Airlines tin un debe cuantioso
tambe cu AAA N.V.

Loke ta mas serio ainda, cu Aruba Airlines tin mesun
problema cu InselAir tabatin, esta cu nan tin masha
placa na Venezuela, sin por haya nada di esaki y asina
mes ta sigui bula pa Maracaibo y Valencia.
Placa cu por yuda e posicion financiero di Aruba
Airlines cu no tin fondo actualmente pa e.o. paga su
empleadonan.

Asina ya caba e pilotonan Venezolano a laga sa cu
un dia pa otro, nan lo pone trabao abao. Pa no papia
mes di demas personal di Aruba Airlines cu te awe no
a cobra fin di luna, pasobra no tin placa.
Asina por conclui cu Aruba Airlines ta den mesun
rumbo cu InselAir, cual compania tambe te awe no
a cumpli cu pago di su empleadonan na Aruba. Y tin
tur indicacion cu otro luna, no ta keda Huez nada
otro di declara InselAir Aruba bancarota.
Te awe ningun hende no a pidi bancarota di Aruba
Airlines, y fuera di esaki, ningun ehecutivo ta bin afo,
pa contradeci e informacion cu nos tin.
Si t’asina cu tin varios piloto Arubiano, kendenan
tabata bula pa InselAir, ta bisa di no por haya trabao
na Aruba Airlines, unda nan tin casi tur nan pilotonan
di Venezuela.
Bisando esaki, e pilotonan Arubiano no ta sinti cu
Gobierno ta proteha nan of demanda pa nan haya
trabao na un compania di aviacion cu ta bandera
Aruba, pero di Aruba no tin nada.