Page 16 - SOLO DI PUEBLO
P. 16
Pagina 16 Diahuebs 20 April 2017
Polis atento cu reaccion rapido y cu refuerzo a logra
captura 3 ladron
Un sospechoso a logra huy pero lo gar’e sigur!
Diarazon madruga a
drenta informe cu tin 3
hende bisti na preto cu
a kibra drenta horta den
Hua Run Supermarket
na Ponton. Mesora un
patruya cu tabata cerca a
logra yega mesora y a haya
e ladronnan ta saliendo
for di e lugar.
A pidi refuerzo mientras
esun cu tabata den un
auto Altezza shinishi of
oro para un poco mas leu
si a logra bandona e sitio.
E ladronnan a keda
deteni y poni na suela
mientras cu e refuerzo
tabata yegando, a bay ta
hincando e ladronnan
den auto y a hibanan na
warda. E ladronnan tabata
tin 2 caha di placa den
nan poder. Polis a confisca
esakinan.
Tambe polis a haya un sker
grandi cu nan a usa pa
corta hero. E sospechoso
cu a logra huy. Mihor e
entrega su mes na polis
prome cu oficialnan yega
na su cas of su lugar di
sconde ya cu polisnan sa
cual auto y ken e ta.
