Page 25 - MIN ECEM 13 MAY 2017

10 AWEMainta Diasabra, 13 Mei 2017

Luz a yega su bario

“Mi a sinti un

alegria grandi ora

cu e luz a cende”

Andy Rasmijn a expresa

ALEGRIA a yega pa famia Ruiz-Kelly y tur esnan bibando
den e area patras di Grand East Hardware na Noord. Pro-
grama Luz di Bario tabata diahuebs anochi a inaugura e
prome luz y LED di e caya cu a keda cendi.

Despues cu durante dia Prome Minister Mike Eman y
su team a cana den e bario pa scucha habitantenan y
informa nan di e ultimo acontecimento riba nan peticion
pa iluminacion, anochi e ceremonia pa cende den forma
simbolico e prome luz a tuma luga.

Den presencia tambe di Parlamentarionan Marlon Sneek
y Jeffrey Kelly, Carlos Bermudez hunto cu Prome Min-
ister Mike Eman, a cende e prome luz LED. Por a sinti
un alegria bou di e publico presente ora memey di e acos-
tumbrado scuridad e prome luz den e bisindario a cende.
“Mi a lanta den e bisindario aki y a bay for di aki lagando
e scuridad. Mi yiunan ta biba aki banda y ta hopi scur.
Autonan ta core hopi duro den e area aki tambe, hasta
anochi”, sra. Yolanda Ruiz a conta.
E dos cosnan cu semper e ta corda di e area ey ta stof y
scuridad. Awor e ta hopi contento pasobra iluminacion
di caya a yega.

E scuridad, sra. Yolanda a conta, tabata haci cu nan no
tabata sali anochi pafo.
“Awo bo por hasta sali cana. Mi ta hopi contento cu e
luz a yega, danki na Prome Minister Mike Eman”, sra.
Ruiz a bisa.

Sentimentonan similar tin cerca su dos yiunan cu ta biba
den e bisindario aki.
Raquelita Rasmijn-Ruiz tabatin un sonrisa grandi riba su
cara y no ta por nada.
“Scuridad no ta dushi pa biba den dj’e den cualkier co-
munidad. Bo no sa kendenan ta cana den e scuridad den
e bario. P’esey ta hopi bon cu aworaki tin luz y hasta
for di paden bo por wak si tin hende straño pafo. Mi ta
agradecido cu nos a haya luz, no solamente pa mi pero
pa henter e bario. Ohala cu tur bario por haya luz”, e
habitante contento a bisa.

Otro ciudadano cu tabata den celebracion tabata Andy
Rasmijn.
“Mi a sinti un alegria grandi ora cu e luz a cende”, el a
bisa. E iluminacion ta hunga un rol grandi den bida den e
ciudadanonan, cu ta sinti nan mes sigur y ta duna respet
na nan propiedad. Despues cu a cende e luz, a sigui un cel-
ebracion hunto cu e mandatario y habitantenan presente.