Page 69 - MIN ECEM 13 MAY 2017

Reunion IOCARIBE na Cartagena Colombia

Friday, 12 May 2017 10:21
Comparti

Durante e ultimo conferencia di IOCARIBE na Cartagena, Colombia, unda e director di Meteo sr. Marck
Oduber a representa Aruba como punto focal, UNESCO Aruba a ricibi e grato noticia cu sr.Oduber a
wordo nombra como vicepresidente di IOCARIBE.

Sr.Oduber a wordo elegi pa principalmente representa e interesnan di e islanan Caribense den e
organisacion. Sr. Oduber ta fungi na Aruba tambe como e liaison di sciencia den e Commission Nacional
di UNESCO Aruba. A funda United Nations Educational, Scientific and Cultural Organiszation
(UNESCO) dia 16 di november 1945 y e ta un di e agencianan specialisa di Nacionnan Uni.
IOCARIBE, como parti di e Comision Oceanografico Intergubernamental (IOC) di
UNESCO, ta responsable pa promocion, desaroyo y coordinacion di programanan di
investigacion scientifico marino i desaroyo tecnologico, incluyendo desaroyo di capacidad den Caribe.
Durante e conferencia na Cartagena, diferente topiconan importante a bin dilanti.

Algun factor ta peligronan di orcan, tsunami, peligronan di oleaje, cambio climatico su effectonan riba
lama, modelacion di coriente i ola di lama, observacionan necesario maritimo, otro peligronan relata na
lama pa Caribe i implementacion di metanan relata na desaroyo sostenible, unda principalmente a pone
enfasis ariba meta number 14. Meta number 14 ta inclui: conserva y crea uso sostenible di ocean, lama
i recursonan maritimo. Na juni 2017 lo tin un reunion grandi na New York ariba nivel halto di Nacionan
Uni pa apoya i sostene e meta number 14 di desaroyo sostenibel. Sr. Oduber lo ta presente na dicho
conferencia na New York como parti de delegacion di IOC-UNESCO.

Comentarionan (0)
Mustra/Kita comentarionan