Page 23 - ROBERT CANDELARIA

E relatonan di Cuerpo Policial como tambe di Ministerio Publico tabata di sumo
importancia pa Parlamento y pa tur instancia concerni por tin.

“Esaki debi cu e diagnostico di y bou di e hobennan, cu ta comete un delito, sigur a
aumenta, pero sin e relatonan aki, ta dificil pa bo sa, di ki tipo di delito nos ta referi na dje
y tambe cua grupo di edad, como districto ta mas halto bou di nos hobennan”, Sue-Ann
Ras a bisa. Manera e frase importante di e legendario Nelson Mandela: “No por tin un
revelacion mas intenso di e alma di un sociedad, cu e forma con ta trata su muchanan.”

A base di e relatonan aki, autoridad y publico interesa ta haya na su disposicion, e
datonan principal, e problemanan y alabes un reflexion di nos futuro generacion.

“Nos tin cu brinda mihor oportunidad di transformacion, rehabilitacion y reconstruccion
di e caminda pa nos hobennan, cu a cay den problema hudicial, pa evita cu e circulo di
hoben recidivista sigui crece,” Sue-Ann Ras a sigui bisa.

“Nos mester por identifica un serie di carencia y punto importante pa por resolve, desde e
evaluacion di e accion- y programanan, cu e institucionnan en cuestion ta brinda, cu
finalidad di duna alternativa pa nan reincorporacion den nos sociedad como hende
responsabel y respetuoso n’e leynan”.

E strategianan di intervencion mester ta dirigi na construi un politica di reintegracion
social humano, p’e hobennan por desaroya nan maximo potencial- y capacidadnan di
manera positivo pa su famia y nos sociedad.

Sue-Ann Ras ta consciente cu ainda falta hopi pa haci.

“Sinembargo, esaki ta un paso esencial y crucial, cu sigur lo por traha riba e resultado- y
recomendacionnan corecto di maneho y vision den e area hudicial,” Ras a finalisa
bisando.

https://awemainta.com/parlamentario-sue-ann-ras-danki-ne-cifranan-anual-di-
c-p-a-y-m-p-por-tin-un-mihor-bista-con-por-resolve-e-problemanan-di-nos-

hubentud/