Page 10 - AWEMAINTA
P. 10
10 AWEMainta Diabierna, 30 augustus 2019
Polis a detene un homber bou influencia
Kende a bay reclama su ex di
a kibra su bentana di auto
DIAHUEBS algo pasa di 3’or y mey di madruga,
Polis ta bay na un cas na Paramira caminda un
homber lo ta rancando na porta di un cas. Mesora
a manda un patruya n’e adres aki.
Na yegada e agentenan a bin topa cu un homber,
kende a resulta di ta ex pareha di un muher kende
ta biba n’e cas aki.
E homber tabata bou influencia, el a splica Polis
cu un rato pasa e tabata na Casa Casuela y ora el
a bay pa subi su auto el a mira cu e choler a kibra
glas di su auto. Mesora el a pensa cu ta su ex muher
y e guy nobo di su ex, lo a comete e destruccion aki,
pesey mes el a bay n’e cas aki pa reclama nan.
Polis a ripara cu e pareha a caba di spierta for di
soño. Mirando cu e homber tabata burachi y tabata
causando molester n’e cas, Polis a detene e homber
y a hiba su auto na Warda di Polis di Oranjestad.
