Page 138 - MIN VOS

Victor Mids lo ta presente den Health Care Conference Aruba

Tuesday, 11 April 2017 19:55
Comparti

Dianan 1 te cu 4 di Juni 2017 lo tuma luga na Aruba e di dos Health Care Conference Aruba.
Lo bay tin diferente speaker internacional como local. Un di e speakernan lo ta di Hulanda,
Victor Mids. E ta conoci pe programa Mindf*ck y e tin e ratings di television di mas halto na
Hulanda. Mids lo papia den e conferencia pero tambe lo tin show dianan 2 y 3 di juni.

El a cuminsa como un dokter y awo el a bira un ilusionista hopi conoci. Cu e combinacion aki
Mids lo trece ilusion y conocemento na un manera unico. Bay den su mundo, unda nada no ta
loke parce. Un biaha mas su programa popular Mindf*cks a cuminsa pa di tres temporada cu
invitandonan manera Mark Rutte, Wendy van Dijk, Enzo Knol, Miss Montreal y Armin van
Buuren.

Pa ambos show tin diferente pakete obtenibel. Tin entrada inclusivo of exclusivo cu open bar.
Tambe tin pakete di 3-Course dinner na Sunset Grille Restaurant. E ticketnan por wordo
cumpra na Sport Caribe y Super Food Plaza.

Esaki ta e oportunidad pa bo experencia durante e show con facil por gaña bo celebro y
sentido. E benta di ticketnan ta inicia awe. E show lo tuma luga na Hilton Aruba Caribbean
Resort & Casino cuminsando di 8:00 te cu 10:00 PM.