Page 16 - MIN VOS

AWEMainta Diaranson, 12 April 2017 15

Minister

Yrausquin

impresiona

cu maneho

di gemeente

Purmerend

DEN HAAG – Minister Plenipotenciario Juan
David Yrausquin a keda impresiona di su bishita y
combersacion cu burgemeester di Purmerend Don
Bijl y wethouder y loco-burgemeester Roald Helm
cu tin e. o. Finanza, Trabou, Ley di Participacion y
Deporte den su cartera.

Minister Yrausquin su bishita na Purmerend ta pa
mira y tende con gemeentenan na Hulanda ta deal
cu algun temanan den nan comunidad. A wordo
duna un presentacion ariba e siguiente tema nan e.
o. mobilidad, integracion y comunitarismo, economia
regional, ambiente social y energia sostenibel.

Asina a bin dilanti cu e Gobierno di Purmerend ta
haya masha importante pa tene e dialogo cu e habi-
tantenan. Tanto e burgemeester y wethoudernan cu
frecuencia ta cana den e cayanan of den e barionan y
papia cu hende. Segun wethouder Helm di e manera
aki bo ta haya un bista kico ta come y bebe cerca bo
ciudadanonan.

Riba e tereno di sostenibilidad Purmerend ta lider
entre e gemeentenan di Hulanda. E sistema di heat-
ing ta traha riba restonan di palonan di mata despues
cu a kap nan. Esaki ta wordo cendi na candela den
un centrale y ta produci heating pa tur e casnan na
Purmerend. Tambe a cuminsa cu proyectonan di
panelnan solar p. e. riba dak di e stadhuis.

Minister Yrausquin a gradici wethouder Helm y
burgemeester Bijl ta nan hospitalidad y tambe pa e
informacion cu sigur ta contene aspectonan cu por
ta interesante pa Aruba.