Page 29 - MIN VOS

ORANJESTAD (AAN): Segun señora Arends-Reyes tawatin tin diferente Casino den
noticia ultimo tempo y sigur Parlamento a sigui tur e desaroyonan di cerca. Desde 2015
caba e comision di Finanzas y Economia a cuminsa reuni cu diferente entidad tanto na
Aruba como Curacao tocante e concepto di ley pa supervision ariba wega di placa y

introduccion di un Gaming Board cu mas tarea specifico.

E permisonan pa opera un Casino na Aruba basicamente ta mara na un hotel. Ta asina
cu na Aruba tin varios hotel cu ta opta di laga un tercera persona, hopi biaha

inversionistanan di afor opera Casinonan.

Ta conosi tambe e supuesto fenomeno cu algun ta opta pa no pasa den e proceso
rigoroso di ‘due diligence’ pa habri un cuenta di banco local cu tur e consecuencianan cu

esey por trece cun’e.

No tin bista registra ariba e finanzas, flow di placa, stabilidad y cumplimento di e
compania y sigur esaki no ta algo deseabel. Mas ainda cu Aruba mester cumpli cu e

leynan international contra labamento di placa y combatimento di terorismo. Un Casino
ta keda un negoshi di risico halto pa cualkier banco pero na final di dia e ta necesario
pa regla nan asuntonan financiero via instancianan oficial y respetando y cumpliendo cu
exihencianan pa asina tin mihor control y bista ariba negoshinan cu ta envolvi placa.

Nos hermana isla Curacao conose un Gaming Board cu personanan specializa ariba
control y risiconan di Casino. Lo ta bon pa na Aruba bin cu un sistema cu tin mas
control structura ariba ‘dropboxes’, inversionistanan y ‘pre-due diligence’ cu lo mester

por cuminsa caba standard via sistemanan digital internacional pa background check na
momento cu bay pidi un ‘vestigingsvergunning’ prome cu haya un green light pa opera.

Entre otro nos economia ta worde afecta door di posibel ‘leakages’ di fondonan cu no

tin bista ariba nan. door di crea mas control na momentonan crucial e lo yuda facilita pa
cosnan cana mas mihor. Sra Arends-Reyes tambe ta di opinion cu lo ta un idea
pa considera un ‘insolvency/emergency fund’ mara na condicionnan pa Casino por
paga nan trahadornan y gastonan di operacion pa algun luna na momento cu encontra

problema financiero. Esaki lo mester tin por ehempel condicionan estricto mara na dj’e
pa evita su mal uzo y cu lo descurasha companianan di operacion pa bay ‘failliet’ y
bolbe habri back bou otro nomber cu un ‘clean sheet’ despues di tempo.