Page 10 - AVP
P. 10
Gobierno den negociacionnan pa sali
for di contract cu CITGO
25 July, 2019
Den e dianan aki, gobierno di Aruba hunto cu RDA ta den negociacion cu CITGO
pa purba sali for di e contrato lo mas pronto posibel.
Segun e contrato cu CITGO, pa october 2020, CITGO lo mester a inverti
suficiente y haci’e operacional. Y CITGO a admiti cu e no tin e fondonan
necesario pa haci esaki. Y pues, ta keda dos opcion: warda october 2020 yega y
despues ta yama loke ta yama un ‘breach of contract’, y bay corte pa añanan
largo. Of, manera cu a scoge, purba yega na un areglo pa por sali for di e
contract, pa haya e yabi bek di e refineria.
Den e negociacionnan aki ta focus ariba e terminal y e refineria. Prome Minister
tin confiansa cu lo logra di haya tur cos bek den man di gobierno, sin cu mester
keda añanan largo ta bringa otro den corte. Y tambe, sin cu Aruba ta carga
responsabilidad of niun riesgo financiero cu esaki. E negociacionnan ta bayendo,
den bon ambiente. Di parti di gobierno tin un comision institui pa atende cu
esaki y cu ta atende cu e hendenan di CITGO. Hunto ta purba yega na un miho
areglo posibel.
