Page 4 - MIN ON 11 APRIL 2017
P. 4
Evelyn Wever- Croes presente na
debate politico organisa pa
Colegio EPI
11 April, 2017
0
Colegio EPI a organisa un debate politico pa e studiantenan di tweede klas cu ta
bezig cu e proyecto cu tin como tema “Verkiezing 2017, politieke partijen en
hun economische doelstellingen”.
E meta ta pa e studiantenan haña informacion ariba e vision y programma di
cada partido invita pa loke ta trata e economia di Aruba. E partidonan invita na
e debate aki tabata MEP, AVP, RED y POR. E studiantenan ta first time voters y
e meta ta pa nan forma nan mesun opinion ariba e topico aki.
Cada partido a expone e ideologia di nan partido, e vision y programa di nan
partido ariba e tereno di economia y con ta bai realisa e economische
doelstellingen nan aki.
Lider di MEP Evelyn Wever-Croes a representa MEP y a comparti e vision di MEP
riba varios tereno.
E vision economico no por wordo mira los di vision general di partido, cu ta pa
cambia e rumbo di nos pais y pone e prioridad na e ser humano. Pa hasi Aruba
sigur atrobe, pa baha costo di bida y pa mehora calidad di enseñansa.
