Page 20 - ATA

Eddie Croes: Klem por wel di bin bek

Thursday, 11 May 2017 21:44
Comparti

Nos a papia un rato cu sr. Eddie Croes, kende ta un comerciante di hopi aña caba, bendiendo
na e waf chikito. El a conta cu nan ta preocupa. Gobierno a anuncia cu nan ta kita klem.

El a splica cu esaki ta un decepcion masha grandi. E klemmento, nan por a critica cu e klem ta
stroba. Pero awor aki nan ta perhudica. Tur dia turista tabata bin parkeer nan auto den e
parkinglot dilanti waf chikito. Pero for di dia cu a stop e klemmento, turistanan a stop di bin.

E motibo ta cu tur ta A-wagen. Tur e localnan, tur e trahadonan di e hindunan, di de Veer, tur a
bin pa para por nada. Mientras cu e turista ta yegando, pero e no por parkeer, kiermeen e ta
bay.

E tiki turista cu ta bin ta perde nan awor aki tambe, pa motibo di e cos aki.

Croes ta pensa cu tur hende kier pleita, cu nan kier parkeer. Al contrario, e turista ta contento
di paga pasobra nan ta haya caminda pa parkeer. Awo nan no por parkeer.

E ta splica, pa pone e klem bek eynan. Otro caminda nan por kit’e, pero na waf chikito e turista
mester bin bek, pa nan por sigui cumpra.

Pa Croes, klem por wel di bin y e no a molesti’e nunca, ni e turistanan tampoco. Pakico mester a kit’e. E no ta
contra di caya, pero nan ta un otro tipo di comercio cu Playa. Pavia di nan, nan ta perde e turistanan, pasobra nan
no por para eynan.
Esey ta for di e prome dia el a cuminsa pasa. E efecto ta grandi. E benta di Croes a bay casi 40%
atras. For di e momento ey cu tur e parkinglot a wordo yena cu A-wagen, ya no tin V-wagen
mas. A-wagen no ta cobra, nan ta bay traha, sino e V-wagen ta bin, cumpra y bay, Croes a
enfatiza.