Page 23 - HOH

Mester ta alerta unda ta bay cumpra cuminda y cerca ken. Corda pa proteha bo mes y
bo famia pa no bira malo pa via di un cuminda cu no a wordo prepara corectamente,
Geerman a indica.

Pa esnan cu ta bay wak carnaval mester pone atencion riba labamento di man. Esaki ta
hopi importante ora di prepara cuminda, despues di bay baño, ora di mishi cu cualkier
artefacto, etc.

Corda di hiba hopi awa pa bebe, pa laba man of pa laba materialnan cu tin cu uza pa
durante e preparacion di e cuminda. Si bo no tin awa corda hiba handsanitizer, wipes cu
bo por usa pa haci bo mannan limpi, Yvette Geerman a señala.

Corda hiba ijs pa mantene bo cuminda den bon estado y ijs pa bo bebidanan. E forma
con bo ta warda bo cuminda tambe ta hopi importante. Cuminda curu mester wordo
separa for di e cuminda cushina caba.

Ora du hiba cuminda cayente for di cas, corda pa no laga e cuminda para mas cu dos
ora. Wak pa e wordo consumi mas lihe posibel. Planifica semper ki sorto di cuminda bo
ta bay hiba. No hiba cuminda unda lo tin risico y cu por daña lihe.

Uso di handschoen tambe ta indispensable. Un persona cu ta maneha cuminda no por
manipula placa.

Carnaval ta un dushi temporada pero unda hopi risico por tey, el a enfatiza. Aruba ta

calor cu un promedio di 30 grado Celsius y esey ta e momento ideal pa un bacteria por
crece y multiplica masha lihe mes. Nunca hende kier pa un intoxicacion cu cuminda
tuma lugar. Si acaso algo asina sosode tuma contacto cu Departamento di Salubridad
Publico. Yama mesora y DVG lo actua manera mester ta, e experto a indica.

PA ESNAN CU TA BENDE CUMINDA

Esnan cu ta bende cuminda mester percura pa ora nan bay busca un kavel, pa tur papel

ta na ordo, pa e carchi di salud ta na ordo ya cu DVG ta bay haci nan control den tur
localidad cu ta bende cuminda y esnan cu ta bende cuminda riba caminda tambe.