Page 20 - AM190202

20 AWEMainta Diasabra, 2 Februari 2019

Minister Guillfred Besaril a felicita comunidad

Hindu cu 70 aña di independencia di India

MINISTER Plenipotenciario Guillfred Besaril,

kende tabata na Aruba, a felicita comunidad Hindu

di Aruba cu celebracion di 70 aña di independencia
di India durante di un recepcion na Piedra Plat Enter-

tainment Center.
E recepcion a conta tambe cu presencia di Goberna-

dor, Alfonso Boekhoudt, Prome Minister mr. Evelyn

Wever-Croes y esposo, Minister di Finansa, Asunto
Economico y Cultura mr. Xiomara Ruiz-Maduro, Min-

ister di Husticia, Seguridad y Integracion mr.Andin

Bikker, Minister di Enseñansa, Ciencia y Desaroyo
Sostenibel dr. Armando Rudy Lampe y miembronan

di Parlamento Endy Croes, Sharleen Tromp-Lee y Ri-

cardo Croes.

E programa oficial a keda inicia cu interpretacion
di e himnonan nacional di Hulanda, Aruba y India.

Despues Presidente di The Indian Association of

Aruba, Henry Haresh Sadarangani a tene un discurso
den cual el a cuminsa na bisa cu comunidad Hindu

tin casi 90 aña na Aruba. E ta un comunidad cu ta
consisti di 500 persona, pero ta hopi activo den com-

ercio na Aruba.

Sr. Haresh Sadarangani a bisa cu e comunidad ta hopi
agradecido na Aruba cu a brinda nan e oportunidad

pa establece nan mes aki nan y cu Aruba a brinda nan

e seguridad necesario pa nan y nan famia.
Tambe cu comunidad Hindu a contribui na un mane-

ra positivo na desaroyo economico di Aruba. Segun

Haresh Sadarangani comunidad Hindu a sa di integra
na un manera positivo den e

comunidad Arubano, sin lubida nan herencia cultural.
Na final di e programa tabata tin dansanan tradicio-

nal di India.

Minister Plenipotenciario Guillfred Besaril a probe-

cha di e ocasion pa gradici Presidente di The Indian
Association of Aruba, Henry Haresh Sadarangani y e

Consul Honorario di India na Aruba, Prakash Gupta

p’e invitacion p’e recepcion special aki y a bisa di ta
inmensamente agradicido p’e aporte di e comunidad

Hindu n’e desaroyo di Aruba.