Page 8 - AWEMAINTA

8 AWEMainta Dialuna, 3 December 2018

Dos dama ta bira dos morto den tráfico

WILLEMSTAD - Diadomingo 2 di decèmber

alrededor di 06.21’or, Central di Polis a ricibí infor-
macion di un accidente di tráfico grave cu a tuma
lugar riba Weg naar Westpunt na altura di Daniel.

Na yegada di e promé unidad, el a bin topa dos ve-
hículo (auto di famia) cu a dal frontal contra di otro
y di cua ámbos chofer tabata den un situacion hopi
critico.

Na yegada di personal di ambulance, esaki a con-
statá cu e víctimanan no tabata duna señal di bida.
Dòkter di Polis cu a yega n’e sitio a constatá morto

di e damanan chofer,
Coraline Rosan Augusta Fraay-Soemanta, naci na
Còrsou dia 5 di mei 1961 (57 aña) y di Aydeline
Ster, naci na Còrsou 19 di jüli 1986 (32 aña). \
For di investigacion preliminar a resultá cu chofer

di e vehículo cu tabata bay den direccion di Banda
Bou a bay pasa un vehículo cu tabata core su dilanti
y bay dal frontal contra e otro vehículo cu tabata bin

for di direccion contrario.
A consecuensia di e múltiple heridanan cu ámbos
chofer a sufri, nan a bin fayecé n’e sitio di accidente.
Personal di Tráfico ta continuá cu e investigacion.
Na famia di ambos dama, ta bay nos mas sincero

condolencia.