Page 6 - AHATA 6 MARCH, 2017

durante e ultimo sigur ultimo dos pa tres aña, pero e mercado ta bolbiendo bek
na un patronchi normal. Esey ta nifica cu e grupo di bishitantenan ey cu tabata
bin pa otro motibo primordialmente cu tabata gasta tambe, pero tabata tin otro

patronchi cu e bishitantena normal a cay afo, pero ta mira cu awor aki por
ehempel, estadia di Venezolanonan na hotel a subi. Nan cantidad di dianan cu

nan ta keda riba nos isla a subi. Bo ta mira cu tin menos estadia na
acomodacionnan alternativo. Esey ta keda hopi toch halto cerca e Venezolano,

pasobra no mester lubida cu tin e aspecto di condominium. Tin aspecto di esnan
cu tin apartamentonan aki. Ta mira cu tin un patronchi cu ta mas normal,

conforme un bishitante tradicional. Y esey ta locual cu e cifranan ta delinea. Si
mester remarca cu den luna di Januari, ora cu mira resultadonan y te cu awor
locual ta mirando pa Februari, ta mira cu Venezuela ta baha mas di locual cu a

proyecta pa e prome lunanan di e aña aki.
No mester lubida cu aña pasa el a cuminsa mas drastico for di e di dos kwartaal

bay dilanti, pues e mira un bahada mas pisa pa e prome kwartaal pa e aña aki,
mas of menos rond di 40% y por mira toch cu e ta cera na Januari, rond di 60

pa 65% di bahada. Ta algo cu ta keda monitorea man den man cu esfuersonan
pa atrae e Venezolano. No solamente esun cu ta bibando na Venezuela, pero

hopi importante ta cu ta for di aña pasa caba, ta activa y a bin cu algo nobo pa
Aruba, unda cu ta purba di atrae e Venezolano cu ta biba na Merca. Pesey por
ehempel e vuelo di Jetblue for di Fort Lauderdale ta un paso strategico, pa asina

captura mas di e mercado eynan y ta mira ora cu wak e ocupacion despues di
un prome luna di operacion di Jetblue cu e vuelonan nobo ey, ocupacionnan ta

na satisfaccion di nos tur y ta mira cu basta porcentahe di e grado di ocupacion
ta wordo ocupa door di hendenan cu ta bin for di e area di Fort Lauderdale mes.

Ta relata esaki hopi di cerca cu Venezolanonan biba eynan tambe. Esey sigur ta
keda un prioridad pa ATA bay tras di esunnan cu sa cu tin una finidad cu Aruba,

conoce Aruba y cu tin un propensidad mas halto pa biaha tambe.
Esey tambe ta parti integral di e strategia di ATA, segun Ronella Tjin Asjoe-
Croes.