Page 4 - Ahata - aug 15_Neat
P. 4
E gobierno anterior a regla un expansion di cantidad di camber all inclusive na Holiday
Inn. Na momento cu e gobierno nobo a sinta, a wordo presenta cu e hecho aki.
Aparentemente ta plannan cu nan tin ocho aña ta cana rond cun’e, cu a wordo presenta
tambe na e gobierno anterior y e gobierno anterior a bay di acuerdo pa tur esaki.
Segun minister di turismo, Dangui Oduber, nan a haya un presentacion 4 luna pasa di e
grupo Lowenstein cu ta doño di e hotel. Nan a presenta un proyecto di ampliacion di
cantidad di camber. A splica nan kico ta e maneho di e gobierno y kico ta e vision di
gobierno, cu tin un ley di all inclusive tambe, cu e gobierno nobo no ta mucho di acuerdo
pa sigui amplia e cantidad di camber, y tambe amplia nan cu cambernan all inclusive. Tin
un ley awor aki cu kier purba frena of limita e ampliacion di cambernan all inclusive. Ta
un decision cu a wordo tuma di ex minister Sevinger, kende a tuma e decision pa duna
nan tur e toezeggingnan necesario pa bin cu e ampliacion di e cantidad di cambernan.
