Page 12 - HOH
P. 12
16 AWEMainta Diamars, 14 Mei 2019
Hospital sumamente orguyoso di su crecemento y dedicacion
Marion Franken ta empleado di luna di maart HOH
RECIENTEMENTE Hospital a eligi nan empleado di luna di
maart, esta Marion Franken di e departamento di Facturatie &
Debiteurenbeheer. Coleganan a bini hunto pa sorprende Marion
Franken den un ambiente masha ameno. Director di Cuido di
Hospital, sr. Ezzard Cilié, a felicita Marion cu su nombracion
como empleado di luna y p’e bon trabou cu e ta haciendo durante
hopi aña caba.
Marion Franken, den funcion di medewerker Facturatie & Debit-
eurenbeheer no a spera mes cu su coleganan lo a nomine pa ta em-
pleado di luna. El a bisa cu esaki tabata un sorpresa masha grandi.
E trabou cu Marion ta haci ta yena di reto, pasobra cada biaha ta
topa cu diferente pashent y ta depende di nan estado y situacion.
Tin biaha nan ta haya zundra di cliente, pero ta keda haci nan
esfuerso pa yuda nan den e miho forma posibel.
Sra. Elaine Geerman, Manager di inkoop & logistiek, a duna di
conoce cu e ta hopi contento y ta gradici Hunta di Directiva di
a aproba e nominacion di Marion Franken. El a traha cu Marion
den un otro departamento di financien como su manager y den
un tempo corto Marion a siña e trabou y a ahusta mes bon. Den
un tempo relativamente corto, Marion a siña su trabou nobo na
unda e la adapta su mes lihe na e cambionan. E tin un entusiasmo
enorme y hopi energia positivo cu colega rond di dje ta sinti du-
rante su presencia. E ta keda al caso pero toch cu comprension ora
tin situacionnan dificil cu mester comunica cu pashent of famia.
E ta ‘straight forward’ y pues hopi cla den su comunicacion na
otro. Tambe Marion ta un colega responsabel y lo keda si mester
despues di ora di trabou pa caba cu algo importante. Ademas di
tur esaki, e ta esun cu ta organisa actividadnan social p’e departa-
mento.
Pabien Marion cu e bunita reconocimento aki!
