Page 26 - HOH
P. 26
CU MIDIMENTO DI NOS
CALIDAD DI AIRE POR TUMA
ACCIONNAN PA MEHORA NOS
MEDIO AMBIENTE
13 May, 2019, 11:50 am
Metabolic Foundation ta un fundacion cu ta existi desde 2015. Nan no ta hopi conoci,
pero tin un tarea hopi importante. Nan ta traha riba diferente aspecto di medio ambiente,
entre otro polucion den aire.
Na Aruba nos no tin hopi informacion di esaki y ta e trabao di Metabolic Foundation.
Den un conferencia di prensa di Departamento di Salubridad Publico Christie Metz a
splica cu hunto cu Unesco y Futuralab a haya e oportunidad pa colecciona informacion cu
Aruba actualmente no ta coleccionando di varios parametro di nos calidad di nos medio
ambiente.
Un di nan ta calidad di aire. Hunto cu Departamento di Salubridad Publico, Metabolic
Foundation a haci uzo di e oportunidad pa papia riba dje, ya cu esaki ta afecta nos
salubridad en general. Na Aruba no ta coleccionando data di calidad di aire y esey ta loke
e fundacion ta bay haci.
