Page 38 - RICHARD JAN 11

Paul Croes: Aumento di subsidio ta permiti Sonrisa enfoca
mas riba e trabou central y menos riba fundraising

Tuesday, 10 January 2017 21:48

Comparti

“Mi ta hopi contento y hopi agradicido na Minister Paul,” asina Angelique Perez-Kelly a expresa.

Como coordinador na fundacion Sonrisa, Perez-Kelly ta testigo di e atencion y dedicacion cu Minister di
Asuntonan Social tin pa e personanan cu limitacion riba nos isla y tur esnan cu ta traha den e sector di
nan cuido. “Awo nos por dedica na e cliente y no na fundraising pa sigui draai,” e coordinador a comenta
cu alivio y alegria.
Danki na e contacto estrecho cu Minister Croes ta mantene cu Sonrisa, entre otro diferente fundacion
riba nos isla, por a tuma nota di e necesidadnan existente y busca e solucion y recursonan necesario.
Personal tabata na prome lugar y esey ta bay bira un realidad pa Sonrisa den 2017 dor di un aumento
den nan presupuesto di nada menos cu 120 mil Florin.
Fundacion Sonrisa ta sinti cu awo nan por enfoca riba e trabou central cu ta brinda cuido y sosten na
personanan cu limitacion y tambe nan mayornan. Adicionalmente, Sonrisa tin den nan plan pa 2017 pa
continua cu ehecucion di proyectonan sumamente importante manera Trampolin pa Trabou. Den esaki ta
guia e personanan cu limitacion den sector laboral.
“Un tremendo iniciativa cu bon reaccion di companianan cu kier tuma un dos cliente y e clientenan ta
super contento di por bisa cu nan tin un trabou,” asina Perez-Kelly a comenta. Trampolin pa Trabou
hunto cu JobCoach ta djis un di e einiciativanan cu ta Minister Paul Croes ta kere aden 100% y ta bay
sigui sostene.