Page 5 - UTILITIES
P. 5
Gerente di PDVSA deteni pa boycot
suministro gasolin na Venezuela
Posted on 03/29/2017 5:22 pm AST | Updated on 03/29/2017 8:33 pm AST
CARACAS – Un gerente di PVDSA a keda deteni pa ‘supuesto iregularidadnan cu a
causa fayos di e suministro di gasolin den e pais’. Asina ministerio publico a informa
awe, segun e corant ‘El Estimulo’. Ta trata di e gerente di Comercio Internacional di
Pdvsa, Marco Malavé . E detencion mes a tuma lugar for di siman pasa diahuebs, pero a
keda raporta awe. Ta trata specifico di fayo di distribucion di gasolin den e estadonan
Aragua, Carabobo, Lara, Anzoátegui, Sucre, Miranda y e Distrito Capital, tur den e parti
nort di e pais. “Den e audiencia presenta, a imputa e homber pa delito di boycot y
concierto di funcionario cu contratista, previsto y sanciona den e ley organico di prijs
husto y e ley contra corupcion” ministerio Publico a sigui bisa.
