Page 10 - FLPD

A20 DEPORTE
Diasabra 22 Juni 2019

Peter van den Brink ganado di Campeonato Nacional Ahedrez

ORANJESTAD - Durante dos weekend largo,
Schaakvereniging Aruba a tene nan campeonato na-
cional 2019 unda 10 miho hungadonan activo a bataya
pa e premio maximo di Aruba.

E weganan sin duda tabata bon y di nivel halto caminda e con-
centracion y a parti mental a exigi hopi di cada hungado. Tur e
weganan a wordo hunga den Surfside Marina na Linear Park.
E hungadonan cu a competi pa e titulo mayor den ahedres pa
aña 2019 tabata ta Jose (Chelo) Pesqueira, Octavio Croes, An-
gelo Franken, Brian Diaz, Hubert (Randy) Tromp, Enrique
Jacopucci, Maria Diaz, Ilya Stetsenko, Peter van den Brink y
Juan Pablo de Mey.

Na final di e dos weekend nan di wega e hungado Peter v/den
Brink a logra triunfa cu e prome premio y como e campeon
di ahedrez na Aruba. Na di dos luga a keda Juan Pablo de
Mey mientras na di 3 luga ta keda e hoben Ilya Stetsenko. E
hungado veterano Jose Pesqueira a keda na di 4 luga. Sigur un
pabien na tur e finalistanan y tambe e comision organisado di
e campeonato nacional di ahedrez 2019.

Stichting Sportsubsidie Aruba ta contento di por aporta y
brinda e ayudo na e federacion di Ahedrez, S.V.A. pa asina
nan por organisa e Campeonato Nacional 2019 di Ahedrez.

Black Joker a derota Piratas

ORANJESTAD - Campeonato Heineken fast pitch di Aru-
ba Softball Bond dedica na dos baluarte Jacobo Jansen y
Gilbert “Nando” Maduro a continua riba veld di Dragon
Hitters.

Den categoria A-Klas nos ta den fase finalisando di dos buelta unda
pronto play-off lo inicia y ekiponan bringando pa nan posicion den
clasificacion. Tanto Black Joker como Piratas nan puesto den play-
off ta garantisa pero e posicion mester wordo determina ainda.
Black Joker ta pica ariba 1-0 den bom di prome inning y ta amplia
cu 5 careda mas den bom di 3 inning. Piratas ta reacciona den cabes
di 4 cu 2 careda pero ta keda cortico.

Boxscore final Black Joker 8 careda, 10 hit, 1 eror y ta laga 6 core-
do na base. Piratas 3 careda, 5 hit, 3 eror y ta laga 5 coredo den
circulacion. Miho batiadonan pa Black Joker ta Xiovon James di
4-2 incluyendo un cuadrangular mas 3 rbi, Roderick Simon di 1-1
cu un doblete, Brian Courtar di 2-1 cu un homerun mas 3 rbi,
Gioshua Maduro 2-2, Ashwi Feliciano 2-1. Pa Piratas a destaca na
bate Franny D’Oleo 3-2 cu un triple y Oneal Smith Taveras di 1-1
cu un triple mas 2 rbi. Brian Courtar ta enfrenta 18 batiado den 4
inning lansando 18 bola, 35 strike pa un total di 53 pitch permi-
tiendo 3 careda tras di 4 hit regalando 1 base por bola pa asina seya
e victoria riba su nomber. Eldrick Maduro ta drenta di relevo y no
ta permiti careda pa haya un wega salba riba su nomber. William
Benitez di Piratas ta bay cas cu e derota enfrentando 29 batiado den
5 inning tirando 33 bola, 52 strike pa un total di 85 pitch permi-
tiendo 8 careda limpi tras di 10 hit propinando 5 ponche y ta regala
3 base por bola. Play-off di A Klas ta “ON” dialuna awor riba veld
di Pos Chiquito unda pa 7:15pm Black Joker lo enfrenta Logros
y pa 9pm White Joker vs Piratas. Ambos weganan di play-off den
serie di best out of 3. Yega tereno bin apoya Bo ekipo preferi!