Page 14 - WEB

Santa Rosa cu presentacion enconeccion cu Hinmo y
Bandera

Tuesday, 21 March 2017 14:34
Comparti

Ta un gustumber cu tur aña Departamento di Agricultura, Cria y Pesca Santa Rosa ta wordo invita dor di
diferente scol basico pa por duna presentacion enconeccion cu nan celebracion di Hinmo y Bandera.

Esaki semper ta tuma lugar den e siman net prome cu e fecha di celebarcion di Dia Nacional. Hopi ta e
scolnan cu ta aserca nos departamento pa cumpli cu tal peticion pero den mayoria caso esaki ta tuma
lugar riba esun fecha di cual nos ta haya nos mes ta cancela cierto peticionan y duna prioridad na esun cu
a solicita prome. Den mayoria caso e presentacionnan aki ta ful dia y ta bai den manera di carousel. Cada
klas ta haya un oportunidad di 10 min pa mira e presentacion. Esaki ta for di mainta te cu merdia pa tur
mucha cu ta bishita e scol di 1ste te cu 6de klas. Un bishita a wordo hasi na scol Santa Filomena na Pos
Chikito di parti di Santa Rosa pa duna un presentacion na e alumnona enconeccion cu celebracion di
Himno y Bandera. Manera semper e tipo di presetacionnan aki ta wordo hasi pa Ludwig Rasmijn y
Randy Maduro.

Tema di e presetacion tabata Mulina di Biento y Pos di Awa Dushi. Pakico esakinan ta wordo uza y con
Aruba tabata haya awa prome cu binimento di nos compania estatal cu WEB ARUBA Nv. Den e
presetacion aki e muchahnan por a mira y conoce poco di Aruba su historia di plantacion. E pakico
tambe tabata uza awa di Dam. Un otro scol cu tambe a wordo bishita pa duna un presentacion tabata
Colegio Sagrado Curason na Savaneta di cual nos a uza e mesun tema pa e alumnonnan aki. Asina
durante dia tur alumno cu ta bista e scolnan ariba menciona por a haya diferente informacion pa asina
nan por tin un idea con e uzo Pos di Awa dushi y Awa di Dam tabata y ta wordo uza. Nos di Santa Rosa ta
sumamente contento cu e invitacion di e dos scolnan aki pa asina nos por a forma parti di nan
celebracion di Himno y Bandera.