Page 8 - WEB

Parlamentario Andin

Bikker y Marisol Lopez-

Tromp a entrega peticion

pa reunion publico

Referente caso entama

pa Setar N.V. na Merca

Published on March 23, 2017 in Politica

ORANJESTAD, Aruba

Gobierno ta haya dividendo di companianan estatal di Pais Aruba cual ingresonan ta
incorpora den Presupeusto di nos Pais. Si tin menos ganashi den un compania estatal
pa cualkier motibo, esaki tin como consquencia cu Pais Aruba ta haya menos entrada
anual riba su presupuesto, of cu tin menos espacio pa rebaha prijsnan. Ta fresco den
nos memoria e caso di WEB N.V. caminda bow responsablidad di minister Mike de
Meza a bay over na “hedging”, marando e compania na prijsnan di fuel oil haltisimo te
cu fin di 2016. E desishon ey tabata tin como consequencia cu Pueblo no por a gosa di
prijsnan mas abow di awa y coriente ora cu prijsnan di crudo a baha te bow di 30 dollar.

Mirando awo cu a bin resulta cu tin un caso a wordo entama na Merca pa compania
estatal Setar N.V. pa purba recupera sumanan astronomico cu a bay perdi pa mas cu
10 aňa, ta deber di Parlamento pa pidi Gobierno y e ministernan policamente
responsabel splicashon riba e tema. Sigur mirando cu Parlamento no a wordo informa
dor di Gobierno. Gobierno mester aclarea por ehempel desde ki tempo e tabata sa di
tematica y dicon no a informa Parlamento y tambe referente e “checks and balances”,
dus systemanan di control cual obviamente mester wordo revisa pa evita cu algo asina
por ripiti. Den luz di esaki Parlamentarionan Andin Bikker y Marisol Lopez-Tromp a
entrega e siman aki un peticion na Presidente di Parlamento pa yama un reunion
publico pa e ministernan responsabel por bin duna splicacion na Parlamento riba e
tema.