Page 8 - AVP

Mentiranan feroz di Mike Eman
Parlamentario Endy Croes a sigui splica cu Mike Eman semper ta bin dilanti cada
bes cu AVP a percura pa reparatietoeslag pa pensionadonan, aumento di salario
minimo, indexering, reduccion di prijs di awa cu 35%, reduccion di prijs di
coriente cu 15%, reduccion di BBO na mitar den e promer 4 añanan di nan
gobernacion, bin bek cu KLM, a bin bek cu Carnaval Cruise Ship y a percura pa
traha school. Pues esaki ta e retorica di Mike Eman den cual semper e ta keda
ripiti aunke Mike Eman sa bon bon cu tin un cantidad di mentira hinca den su
retorica. Parlamentario Croes den conferencia di prensa a ilustra un tabel di
WEB unda claramente por tuma nota cu prijs di coriente den comparacion cu
2009 momento cu Mike y AVP a tuma over e antorcha a aumenta cu averahe di
35.6% y no a baha cu 15% manera Mike tin den su retorica y alabes pijs di awa
averahe den e promer 4 añanan a aumenta cu 15.5% y no a baha cu 35%
manera Mike Eman ta gaña pueblo den su retorica. Pues un manipulacion y
gañamento di prome grado a wordo desmantela awe cu prueba di cifranan
oficial di 2008 pa 2018 produci pa WEB NV.

Scol na Noord pa un Tram
Den mesun roseea Parlamentario Endy Croes a splica cu e unico school cu Mike
Eman a traha ta na Haiti y na Aruba mes Mike no a traha ningun school nobo.
MEP a traha y laga atras e tempo ey un school nobo nobo, esta Scol
Kudawecha. Mike Eman a dicidi di coy 30 miyon destina pa un HAVO/VWO
NOORD y a hinca esaki den un TRAM unda consecuentemente tur mucha di
Noord y vecindario e aña aki mester bay Colegio na San Nicolas. Parlamentario
Croes a priminti cu e lo sigui decifra e retorica mentiroso y manipulativo di Mike
Eman y AVP un pa un pa asina desenmascara AVP su modus operandi. AVP
nunca mas por ta digno di bo confiansa. Nunca pero nunca mas AVP!

https://masnoticia.com/parlamentario-endy-croesretorica-di-mike-eman-ta-wordo-desmantela-cu-
prueba/