Page 32 - ARUBA BANK
P. 32
Na 2012 riba recomendacion di Conseho Social Economico, a cuminsa uza e cifranan di
un periodo y no cifra di momento pa establece e nivel pa adapta sueldo minimo. Te
awor esaki no a bira ley y gobierno ta mantene un tarifa mas halto pa aumento
compara cu e cifra di Conseho Social Economico.
* Necesidad social
Cifranan di Oficina Central di Estadistica ta confirma un necesidad social
* Forsa Economico di e pais pa carga e aumento
E situacion local economico ta permiti e pais subi sueldo minimo?
Crecemento economico ta determinante pa Aruba dicidi si por carga aumento sueldo
minimo.
Cifranan oficial di e pais ta mustra:
*Na 2018 Cifranan di Oficina Central pa Estadistica tabata mustra cu tur indicadornan
economico manera consumo, Produccion Local Bruto, importacion y exportacion lo a
baha.
*Cifranan di Banco Central tabata mustra cu e confiansa di consumido y e sentido di
haci negoshi tabata baha
Economia di Aruba y situacion mundial ora a traha e rapport na final 2018
E pilar economico di Aruba, turismo for di Merca, tabata floreciente na final di 2018 ora
a traha e rapport.
E situacion di Venezuela tabata preocupante. Nota di redaccion: Na 2019 el a bira
mucho mas preocupante.
