Page 5 - AVB

E preparacion tabata hopi cortico y ta tuma e competencia aki como un experencia.
Marvic Bermudez, coach di Seleccion U-20 ta spera cu por sigui cu e proyecto pasobra
mester haci uzo di e experencia aki despues. E prome 3 weganan contra St. Maarten
(Frances), Nicaragua y Greneda a bay bon. E hungadonan a capta e forma con e staff

tecnico kier defende, con a construi e forma di atake y e forma pa crea gol.

A ripara despues di 3 wega cu e hungadonan aki no ta custumbra hunga asina hopi
wega den corto tempo, specialmente wega di nivel. Pa prome biaha nan a hunga riba

yerba natural, e aspecto di lanta mainta trempan tur dia y come mesun cuminda. Tur
esaki ta proceso cu mester a pasa aden pa asina siña, pero e coach ta orguyoso con
nan a pick uptur esaki.

A demostra cu tin talento, pero tin cu desaroya talento. Te dia di awe esey ta un punto
di preocupacion pa Marvic Bermudez. E hungadonan aki tin e talento, pero pa competi
eyfo mester tin un continuidad den un proyecto. E hungadonan mester haya un veld cu
por haci uzo di dje ki ora cu AVB ta desea. Asina aki e hungadonan por train mas biaha

pa siman y un proyecto mas largo.

Tur esaki no ta den nan man, pasobra tur hende sa cu AVB no tin veld propio. Nan ta
huur e veld y si esaki ta ocupa, no por haci uzo di e veld. Tur esaki ta keda puntonan di

preocupacion. Ta spera cu den futuro, esunnan cu ta responsabel pa un veld pa nan por
step up pa loke ta trata e preparacion. Pa tin weganan di fogeo y hopi cos mas cu e
ekiponan grandi tin.

Como pais mester realisa cu a perde contra Mexico, cu score di 10-0, pero ta lubida cu
Aruba ta un isla cu ta consisti di 100 mil habitante contra un pais cu tin 150 miyon
habitante.

Futbolistanan cu a crece ta train 2 biaha pa siman riba un veld di tera cu un boluntario
como coach, cu a enfrenta futbolistanan cu a crece ta train 7 biaha pa siman riba un
veld di yerba cu un coach profesional.

“Mi ta kere cu si ta bay haci burla of skirbi coy loco riba Facebook, pasobra bo no tin bo
isla na pecho y no tin e hobennan di futuro na pecho”, asina Marvic Bermudez a opina
na final.