Page 49 - FDLP
P. 49
Hopi desapunta! Increibel pero berdad con un huez ta dicta un sentencia di e manera aki.
Loke a sosode aki ta cu un huez ta bin sinta riba stoel di minister! E ta un
precedentschepping tambe cu mayan ningun otro gobierno NO por retira un miembro di
hunta di supervision sin mas!
Den Lotto pa Deporte mal maneho a wordo prueba. Director di e fundacion a wordo kita
for di trabou. E hecho aki caba ta demostra cu NO tabata y NO tin supervision of control.
Miembronan di hunta di directiva ta cambia e statuto pa nombra nan mes pa bida largo
despues di eleccion di anja 2017, acaso Huez no ta haya esaki un decision politico. Nos ta
papia aki di amigonan personal di Mike Eman, activistanan di AVP cu a secuestra
deporte pa nan beneficio propio. A usa fondonan pa viaha, pa cumpra camera di
siguridad, a usa credit card di Lotto y tin un salario cu ningun otro miembro di ningun
otro hunta di supervision tin. Tur hende por wak e facilidadnan den ki estado nan ta. Tur
federacion ta sclama pa mas placa y bo tin e cartel aki cu solamente t perhudica deporte
cada dia nan keda. Aki no ta cuestion di persecusion politico sino cuestion di senjala mal
maneho y atende cu esakinan. Huez cu si sentencia mas bien ta duna aporbacion na mal
maneho, na scondemento di informacion! Te dia di awe nos no a ricibi cuentanan annual
di lotto for di anja 2014!
Un sin fin di abuso y loke ta mas lamentabel ta e hecho cu deporte a wordo destrui pa un
cartel y cu aprobacion di huez. Loke ta importante awor ta cu tin claridad y huez a dicidi
pa kita tur autoridad di un minister!
