Page 55 - FDLP
P. 55
Ex Parlamentario y actual Vocero di Partido AVP a reacciona mesora despues di e
sentencia y di tuma nota di e reaccion di Minister Dangui Oduber. E ta haya cu tur dia ta
mas obvio e motibo real cu e mandatario ta asina ansha pa haya mando completo di
Lotto. Hopi hende ta bisa cu el a priminti un di su patrocinadonan principal den campaña
cu lo pasa nan e Lotto. E ta mirando tur dia cu existencia di Gobierno ta yegando su fin,
sin cu e por a cumpli cu su sponsor. Parlamentario Endy Croes tambe tin hamber pa haya
control bek riba Lotto, lubidando cu el a bay cera pa malversacion y corupcion cu placa
di Lotto pa enrikese su mes y su famia!
Durante tratamento di e caso, Fundacion Lotto pa Deporte a prueba Hues cuanto biaha a
manda carta pa pidi pa sinta cu e Minister pa tende di su maneho y vision pa deporte, pa
tene su maneho na cuenta den e plannan. Sinembargo, Minister nunca a desea di comparti
su plannan sino solamente a exigi e Hunta di Supervision pa nan tuma retiro. Al
contrario, a acusa nan di hopi asunto robes y hasta cataloga nan como un “cartel”.
