Page 7 - AVB
P. 7
Den Un Wega Dramatico SV Britannia Ta Pasa Pa
Final
Deporte
- 21/05/2019
Pa di dos biaha den un siman, SV Britannia Aruba ta bin bek despues di tabata atras den
marcador y ta bin empata e wega. Dialuna anochi tabata tin e prome wega di semifinal
division junior, ora cu e pumanan di Piedra Plat/Paradera a topa cu e abehanan di Dakota
den Stadion Guillermo Trinidad.
Den di prome mitar Dakota a bay riba 2-0 y den halftime e pumanan ta bolbe saca receta
magico y ta bin empata e wega na dos gol pa banda, cu golnan anota pa Britannia ta;
Thionne Oduber y Francis van der Linden.
Despues di 90 minuut cu e wega a keda empata a bay over na 15 minuut pa banda.
Despues di e 30 minuut extra aki tambe e wega a keda empata y asina bay over na tira
penalty.
Dakota ta e prome team cu ta bay tira penalty y pa medio di Keano Maduro (Ex
Britannia) y unda e keeper di Britannia Darrel Franken ta para e penalty.
Asina e rondo di penalty ta sigui y SV Britannia ta bin gana cu score di 4-2.
Golnan anota pa SV Britannia Aruba pa medio di penalty ta; Stijn van Suilen, Daniel
Sophia, David L. Castro y Marcus Portier.
