Page 69 - FDLP
P. 69
ORANJESTAD (AAN)- Dialuna atardi durante un conferencia di prensa na Aruba Bank
Camacuri a anuncia e fechanan di e aña aki pa e di 15 edicion di walk & run 2019.
E fechanan cu e walk & run lo bay tuma lugar ta dianan 21, 22, 23 y 24 di Mei. E aña
aki tambe a introduci dos premio, uno pa e coredor mas rapido y tambe un motivational
price.
Y manera custumber tur hende ta pendiente pa e dia di inscripcion pa nan no keda afor.
Esaki lo bay tuma lugar dia 6 di Mei pa 9’or di mainta. Aña pasa den menos cu 1 ora a
sellout y a cera e inscripcion.
Un biaha mas lo habri registracion pa e prome 2500 participantenan cu registra.
Manera e ultimo dos añanan e App di e evento y website www.arubabank.com ta bay ta
e medionan principal pa registra. Ademas di e “Live tracking” y “Social Share feature”,
e App tin “trainings plans & tips” pa juda e participante prepara su mes pa e 4-days
Walk & Run, tambe e App lo tin e popular playlist cu a wordo introduci na 2018, alabes
lo tin informacion importante pa tur participante tocante reglanan, rutanan, y hopi mas.
Desde aña pasa e Walk & Run a introduci e concepto di un evento “plastic free”, cual
concepto ta mantene pa e evento di 2019 tambe, unda cu durante e rutanan Aruba
Bank no lo duna awa den cups ni boli y esaki ta en conexion cu e Green Wave efforts.
Pues, corda bay cu bo boter di awa, y bo tin e opcion di refill esaki na start, halfway di
e ruta y na finish, pa asina bo curpa keda hidrata.
Diamars 21 lo ta na San Nicolas, Diaranson 22 na Sta. Cruz, Diahuebs 23 na Paradera
y Diabierna 24 di Mei ta termina na Hato. E caminata y coremento lo inicia pa 6:30pm.
E Informacion exacto y ruta lo wordo publica ariba e Aruba Bank Walk & Run App,
