Page 77 - FDLP
P. 77
Prensa internacional dedicando tur
atencion na deal cu Xander Bogaerts
Posted on 04/1/2019 10:53 am AST | Updated on 04/1/2019 10:56 am AST
BOSTON – Noticia internacional deportivo cu ta domina for di diadomingo anochi,
ta e deal cu Boston Red Sox ta formulando cu e pelotero professional Arubano
Xander Bogaerts di 132 miyon den 7 aña. Practicamente tur medionan internacional
deportivo (y hasta no deportivo) ta dedicando atencion serio na e noticia aki,
considerando esaki sigur como algo grandi pa e hoben di Aruba. Cu e deal aki, e ta
bira e pelotero/deportista professional miho paga den Reino Hulandes.
E DEAL
Manera NoticiaCla a raporta diadomingo anochi, e ekipo di baseball professional Boston
Red Sox ta finalisando un deal di 7 aña, balora na 132 miyon dollar pa extende presencia
di e Arubiano Xander Bogaerts cu Boston segun ESPN. E deal a keda raporta prome pa
Evan Drellich di WEEI. Alex Speier di e corant Boston Globe tambe a raporta cu e deal
ta inclui un clausula cu e por bandona e contracto despues di e temporada na 2022, cu un
opcion di 20 miyon dollar pa un ekipo na 2026. Bogaerts a dal su prome homerun di e
temporada aki den e prome dos weganan siman pasa. Na 2018 el a dal 23 homerun y 103
careda empuha y a gana e titulo di Serie Mundial cu e ekipo. E mester a bira un agente
