Page 93 - KPA

Atraco arma riba La Estrella den Certified y a bay cu hopi
prenda caro

Saturday, 14 January 2017 22:38
Comparti

Diasabra net algo prome cu 7or a sosode un atraco arma riba La Estrella den Certified. Dos atracador cu
pechi bisti y sin cara tapa a drenta e localidad y asina comete e atraco arma.

Ora a drenta e negoshi a menaza ambos trahador femenino cu tabata den e proceso pa sera e negoshi y
cuminsa warda e prendanan cu tabata den e vitrina. Ora a drenta e lock e porta y djey exigi mayoria di e
prendanan. A cuminsa manera un shopping total den e negoshi. Un a habri un saco di sushi color preto y
asina tabata exigi e trahador dune un man pa saca e cosnan. E otro a pasa tras di e toonbank y asina
tabata saca tur loke e tabata haya den su caminda cu tambe tabata den e vitrina. Despues di e shop na
nan smaak a logra bandona e localidad. E menaza e trahadornan cu nan lo tiranan si nan mester wordo
stroba of sin bin nan tras. Polis a cuminsa un buskeda mesora tras di e dos atracadornan den e
vecindario. Nan a sali na pia pero probablemente tabata tin un vehiculo pafo ta warda riba nan. Polisnan
cu a yega na e sitio a acumula mas informacion mientras cu despues atraco team tambe a presenta y
cuminsa mesora colecta tur loke tin pa yuda gara e atracadornan. Segun e trahadornan ta parce dos
Venezolano y nan a papia un spaño di Venezuela. Probablemente ta hendenan cu a yega Aruba pa comete
delitonan riba nos isla. E video di e atracadornan a wordo pasa tambe pa autoridad por usa y analiza cada
detaye.