Page 24 - FDLP

ORANJESTAD (AAN): E Copa ABCS entre Aruba, Boneiro, Curaçao y St. Maarten den
softball a inicia na Kudawecha unda diahuebs anochi e tene e ceremonia di apertura.

Mirando e cantidad di weganan(37) cu lo mester tuma lugar den tur e dianan aki a opta
pa no tene e desfile di ekipo pero si duna e merecido homenahe na e dos personanan
na kendenan a campeonato ABCS ta dedica.

Despues di a lesa e curiculo impresionante di ambos persona, Sr. Poy Flanegin di Happy
Brothers, e organizadornan di Copa ABCS a haci entrega di e plakaat na Sr. Silvio
Flanegin y Sr. Daniel van der Linden den presencia di nan famia.

A bay over na e sake di bala unda Sr. van der Linden a tira e prome bala mientras Sr.
Flanegin a fungi como catcher. E bateo tabata den man di presidente di ASB, Sr. Endy
Croes. Por ultimo a toca e himnonan di tur e paisnan participando na e torneo.

Tur e weganan di Copa ABCS lo ta riba tereno di Kudawecha y Calabas na Noord.

https://www.diario.aw/2019/06/apertura-copa-abcs-den-softball-dedica-na-daniel-the-beast-van-der-
linden-y-silvio-buchi-flanegin/