Page 16 - ARUBA BANK
P. 16
Diasabra mainta 29 di Juni 2019 na edificio di Camara di Comercio di Aruba durante e evento Business Plaza
2019, un team di expertonan den Corporate Banking di Aruba Bank tawata presente pa splica e rol di Aruba
Bank den e proceso di desaroyo di nan negoshi. Tambe a elabora riba e proceso pa yuda un compania “start
up” y crece. A cubri e retonan cu comerciantenan ta topa cun’e na Aruba y kico e banco pionero di Aruba ta
ofrece pa yuda sobrepasa esakinan. E team di Aruba Bank presente a consisti di, Sra. Gina Habibe- Executive
Director di Aruba Bank, encarga cu Corporate Banking; Sr. Eugene Dirksz-Manager Corporate Credit; Sr.
Igmar Reyes-Manager Corporate Customer Services, Sergianny Barros y Valery de Cuba, Account Managers
di Corporate Customer Services.
Despues di e presentacionnan, diferente comerciante a acudi na e stand di Aruba Bank contestando pregunta di
diferente persona. Nan tabata sumamente interesa pa bishita e banco pa por cuminsa haci uzo di varios
plataforma existente y nobo cu ta haci e experiencia di e doño di negoshi uno facil y lihe.
