Page 7 - AVB
P. 7
ORANJESTAD (AAN) – Diasabra anochi playoff semi final di futbol a continua ora cu e
clasico di futbol local RCA a enfrenta Dakota. Un wega cu semper tin emocion y
spectativa grandi pa e wega aki. Den e prome 45 minuut RCA tabata e team cu mas
yegada na gol di Dakota pero Eric Abdul portero di Dakota a trece salbacion y tambe e
defensa di Dakota. Prome mita ta termina 0-0 pero cu fanaticonan ansioso pa gol pero
nada. Di dos mita tabata mescos Dakota a pone un tiki mas presion pero nada no a
pasa. Asina partido termina 0-0 cu ta pone RCA y Dakota parti punto y cu ta pone
ambos equipo cu 4 punto. Mester remarca cu na final di partido hungadornan di Dakota
y entrenador tabata tin discusion basta fuerte cu a pone cu tur hende den stadion a
keda sorprendi cu tabata bisa cu un empate mes nan a bira asina corda si nan a perde.
Algo sigur cu no ta bunita pa un organisacion cu ta den playoff y tin asina hopi hungado
cu talento.
https://www.diario.aw/2019/05/wega-futbol-rca-vs-dakota-a-termina-0-0/
