Page 19 - AM190710

Diaranson, 10 juli 2019
Mentornan di Fundacion Telefon pa Hubentud
Aruba a ricibi training di Conscious Discipline
AWEMainta 19
DEN cuadro di tin un organ-
isacion sostenibel y prepara pa
por duna un servicio di calidad
na tur nos mucha y hobennan
di Aruba, tur aña Fundacion
Telefon pa Hubentud Aruba ta
organisa ‘Deskundigheidsbev-
ordering Dag’ p’asina keda duna
training na su mentornan cu ta
scucha, sostene y guia nos mucha
y hobennan tur dia entre 2:00 y
6:00 di atardi.
Durante ‘Deskundigheidsbev-
ordering Dag’ e mentornan ta
ricibi training dirigi riba un tema.
E aña aki no tabata otro. E tema
di e ‘Deskundigheidsbevordering
Dag’ di e aña aki tabata: ‘Na un
manera positivo’. A para keto riba
e importancia di educa positivo.
E mentornan a ricibi training
den Conscious Discipline for di
sra. Helen Guda, kende ta psi-
cologo/instructor certifica di Con-
scious Discipline. Comprende un
mucha/hoben su estado mental
y su reaccion riba un situacion y
comunica y guia e mucha/hoben
den su estado mental ta di sumo
importancia.
Tambe e mentornan a ricibi un
motivational speech for di sra.
Tabitha Smith- Heemstadt to-
cante e tema norma y balornan
personal y di norma y balornan di
nos comunidad.
Di e manera aki e fundacion ta
percura pa su mentornan sigi ele-
va nan nivel di conocimiento y ex-
periencia pa por brinda servicio
di calidad n’e hubentud di Aruba.