Page 34 - AHATA

Aumento remarcabel den e RevPar pa

Aruba pa juli 2018

Posted on 09/4/2018 10:40 am AST | Updated on 09/4/2018 10:41 am AST

ORANJESTAD - Aruba a conoce un aumento remarcabel den e RevPar (Revenue per available
room) pa Aruba. Asina minister di Turismo Dangui Oduber ta raporta. Segun e mandatario, te cu
juli 2018 nos por mira un aumento di 12.7% compara cu e mesun temporada na 2017. Di USD
219.71 RevPar a subi te na USD 247.51. E RevPar di Aruba ta e di 3 mas halto den Caribe
despues di Turks & Caicos y St. Lucia. Esaki ta indica cu turistanan cu un capacidad halto pa
gasta ta yegando Aruba. Na February 2018 Aruba a conoce un RevPar di USD 316.77 pues
cifranan record pa Aruba. Pa locual ta trata ocupacion di hotel por wak cu esaki ta na 88% te cu
juli 2018 pues casi 9 di 10 camber ta wordo ocupa. Por mira tambe un aumento di 7.8% den
bishitantenan cu pa prome biaha ta bishita nos destinacion. E grupo aki di “first timers” ta
sumamente importante mirando cu nan lo ta e repeat visitors di futuro. Pa locual ta trata “repeat
visitors” por tuma nota cu bishita di e asina yama “baby boomers” a conose un aumento di 5.6%
desde january te cu juli 2018 compara cu e mesun temporada na 2017 pues te cu juli 2018
102,416 persona di edad entre 54 y 74 aña a bishita Aruba. Esnan cu a bishita e Aruba entre 2 pa
5 bes te cu juli 2018 a aumenta cu 4.2% en comparacion cu e mesun temporada na aña 2017.

2018