Page 6 - CMB

Lider Di AVP, Mr. Mike Eman: Cifranan Di Banco

Central Ta Confirma: Consumidor Ta Sufriendo

 Politica
- 26/05/2019

“E raport mas reciente publica di Banco Central (CBA) riba resultado di nan Consumer
Confidence Survey, ta confirma e sentimiento cu ta bidando den pueblo y cu nos a bin ta
scuchando y ta mira den pueblo e ultimo aña aki”, e lider di AVP, mr. Mike Eman a
expresa na apertura di su conferencia di prensa.

E cifranan ta confirma cu e perdida di compra, e perdida di confiansa di e consumidor, e
perdida di confiansa den futuro ta sumamente alarmante n’e momentonan aki.

Lider di partido AVP, mr Mike Eman a mustra cu den combersacionnan continuo den
comunidad, por tende y mira e inkietud y dolor pa aumnento di costo di bida, di prijsnan
halto, di perdida di poder di compra, hendenan cu ta perdiendo trabou y ora cu mira e
sentimientonan aki bek den e cifranan macro di e estudio mas recien di Banco Central, e
ta confirma e dolornan aki di pueblo.

Mr. Mike Eman a enfatisa cu e prome conclusion cu por saca for di e survey di Banco
Central bou di consumidonan, ta cu e confiansa di e consumidor den e situacion actual, ta
sigui deteriora den forma alarmante den e kwartal bou di cual Banco Central a haci su
survey nobo.