Page 8 - ARUBA AIR

di Corupcion den

luchtvaart Dienst

Published on February 15, 2017 in Curacao/SPLASH
ORANJESTAD, Aruba

Pa InselAir sigui haci su operacion gobierno di Corsow a pone 33 miyon den e
compania pa paga y cubri gastonan operacional. Pa haci e pago aki tanto Shareholders
como Management a uni forsa pa salba e compania. Despues cu gobierno a haci esaki
a dicidi di hinca su hendenan den board cu mr. Jose Jardim como presidente di e board
kende ta un economista y tambe un ex minister di finansa. Segun un fuente a splica E
Arubiano, gerencia di InselAir sr. Hereveen, semper ta bisa prensa cu InselAir tin basta
placa na Venezuela cu ta causa e operacion. Pero awor ta sali na cla cu esaki no ta e
caso. Venezuela a paga InselAir tur loke nan debe. Esaki gobierno a bin haya sa prome
cu a paga e 33 miyon. Mientras tanto tambe inspectornan hulandes a yega Corsow
despues di tabata na Aruba prome pa investiga tur loke tabatin den e maneho di
InselAir. Tambe ta asina segun e fuente na E Arubiano, RST a tira varios razia serca
varios funcionario halto di InselAir, pero esaki no a sali den ningún noticia. Durante
investigacion según e fuente na Corsow a sali na cla cu un chef di hangar na Miami
tabata konkel pa busca piesa pa avion cu no tin extencion mas riba nan y bende
InselAir esakinan como piesanan di boeing of macDonald Douglas como nobo.
Relaciona cu esaki tambe, RST a haci un inval den cas di un amiga di un di e
funcionarionan. Según e fuente di Corsow un otro claridad cu a bin afo cu tabatin
inspectornan di aviacion tanto na Aruba como Corsow riba payroll di InselAir ta pesey
nunca un di e hendenan aki a haci algo riba dje. Segun e fuente Suzanne Camelia
tambe lo tabata na altura di tur esakinan. Pa loke ta InselAir mes esaki no tin mucho
importancia mas, debi tin 33 miyon pa e compania por sigui opera. E investigacion awor
ta sigui riba tur loke a conduci na corrupción cu tin den luchtvaart Dienst, segun fuente
na Corsow .Redaccion di E Arubiano ta tratando di haya contacto cu Suzanne Camelia
pero te ainda no a logra localisa senora Camelia