Page 15 - FDLP

Día 20 Di Augustus Awor Lo Sali Rumbo Lima, Peru

Pa Campeonato Panamericano Di Biljar, 4 Mihor

Hungadornan Di Aruba

 Deporte
- 31/07/2019

Di acuerdo cu e ranking di Febiar, e 4 mihor hungadornan di biljar ta: Gunnar Leonardo
#1 riba ranking y Campeon bola 8 & bola 10 di 2019; Martin Appeldoorn #2 riba ranking
y Sub Campeon bola 9 di 2019; Jorge Petrocchi #3 riba ranking y Sub Campeon bola 8 di
2019 y Jorzhino Everon #4 riba ranking y Campeon bola 9 di 2019.

Tur hungador lo hunga tur 3 disciplina cu ta bola 8-9-10. Meta ta pa clasifica pa
Campeonato Mundial na 2020. Tambe Jorge & Jorzhino lo hunga koppel pa purba
clasifica pa mundial otro aña.

Tur hungador ta den training actualmente 5-6 dia pa siman pa mas o menos 3-4 ora pa dia
pa asina yega na un nivel cu por duna un bon representation den Panamericano.

Tin di remarka cu actualmente tin 19 pais participando, un total di 330 hungador activo
den ranking Panamericano cu ta haci cu e nivel awendia compara cu 4-5 aña ta hopi mas
halto.