Page 9 - FDLP

A20 DEPORTE
Diahuebs 1 augustus 2019

Sarah Quita Offringa a drenta semi-final den freestyle windsurf

ORANJESTAD – Ayera e atleta di windsurfing Sarah Quita Offringa a
drenta semi-final den freestyle windsurf cu facilidad y ta logra e score
mas halto ayera durante competencia di PWA World Tour.
E competencia di freestyle windsurf a inicia pa nos 15 bes campeon mundial
Sarah Quita Offringa na Fuerteventura, Islas Canarias. E orguyo Arubano den
su prome salida a demostra cu e lo haci tur posibel pa prolonga su titulo mun-
dial logrando e puntuacion di mas halto di dia cu un 114.9 despues di un asina
yama saltonan “landing culos on both tacks, a burner, a future and the pick on
the bunch - a perfect spock culo”. Cu esaki Sarah Quita ta elimina contrincante
Jazzy Zwerus cu no tabata un obstaculo pe.
Awor Sarah Quita lo enfrenta Aukes den semi-final pero manera PWA mes a
bisa awe riba nan site “If Offringa maintains that level of sailing then she may
prove almost impossible to stop once again”. Kiermen Sarah Quita su nivel ac-
tual ta dificil pa iguala si e sigui asina. Esaki ta segun e fuente 297 Sports.

Kyra Hoevertsz y Abigail de Veer a keda na di 8 luga overall

ORANJESTAD - Ayera e duet di landamento artistico
a landa nan rutina liber unda nan a saca un puntuahe
di 75.0333. E duet di Aruba a haya pa nan ehecucion
22.2000, pa impresion artistica 30.1333 y pa dificultad
22.7000.

Mester bisa cu e puntuahe di rutina tecnico landa diamars y
e landa di rutina liber landa ayera diaranson a wordo conta
hunto cu a saca un total di 148.1481 pa Aruba bon pa un di
8 luga overall di 12 pais participante. Diamars Aruba tabata
posiciona na di 7 luga, pero diaranson e pais di Chile a pasa
Aruba unda nan a haya un punto mas halto den e rutina liber.
Pa Kyra y Abigail e Weganan Panamericano 2019 a yega su
final. Pa casi un aña e duet di Aruba a prepara nan mes pa
diferente competencia cu a culmina aki na Peru cu a Weganan
Panamericano celebra na e ciudad di Lima, Peru. Esaki ta se-
gun e fuente 297 Sports.