Page 17 - AWEMAINTA FEB1
P. 17
Diabierna, 1 Februari 2019 AWEMainta 17
Burachi y riba dje no a gusta e
cuminda pa cual a menasa e Chef
DIAMARS anochi algo prome cu 10’or
Polis a bay na un restaurant situa den Caya
ing.Roland H. Laclé pa un homber cu lo kier
hinca hende.
Na yegada di Polis a topa cu e homber pafo
di e lugar, y e tabata den compania di su
pareha.
Segun informacion, e homber aki tabata bou
influencia despues of durante cu e tabata
come, e kier a papia cu e Chef.
Mirando su estado esnan den e lugar tabata
posiblemente ignore.
El a keda y tabata bira cada biaha mas fas-
tioso, cu e kier papia cu e Chef tocante su
cuminda cu segun su persona no lo tabata
bon. Cos a sigui bay for di man y el a pidi
cuenta, pero lo bisa cu e tin un cuchiu pa
hinca e Chef.
Ora polis a confronte cu loke el a bisa y of
haci, el a bira bisa cu ta un joke e tabata haci.
Y cu ta manera nos trece dilanti caba ta rec-
lama e kier a reclama e chef. E no tabatin
cuchiu den su poder, pero si algo tabata di
pasa t’e steak knife lo por a wordo usa.
Polis mirando cu e homber hoben aki ta bas-
tante bebi a bise pa e bay di eynan. Su chick
tambe tabata trata di papia na tur manera
cune, pero sin resultado.
Despues di algun minuut tata di e hoben a
yega y a el a subi den auto pa nan bay di e
sitio.
Algun minut despues e tata bolbe cu e yiu, paso-
bra segun e yiu e tin mas cos di bisa e polisnan.
Aki el a keda bira mas y mas fastioso, pasen-
shi di e agentenan a caba y nan a detene e
hoben aki.
Transportwagen a ser pidi y na su yegada e
hoben super fastioso aki a wordo hiba Warda
di Polis, unda e lo a pasa su anochi den cel.
