Page 79 - KPA JAN 9

Chauffeur a haya hopi herida despues di dal y bolter den e
area di caminda grandi na Pos Chikito

Sunday, 08 January 2017 11:43
Comparti

Diadomingo madruga a drenta informacion cu cu na altura di e parada di bus, den e area di Tele Aruba pariba di e
bushalte tin un auto a bolter. Na yegada di patruya a bin topa un Kia Picanto color silver cu un chauffeur masculino
cu basta sla y herida na curpa. A pidi ambulance cu urgencia mirando e estado di e chauffeur. Hasta e tabata tin un
kap grandi na cabez.

Segun testigo nan e cabayero aki tabata bin cu velocidad hopi halto y pa un motibo of otro a perde control. Cu e auto
el a bay ranca palo di luz y bay bolter riba algun barana grandi cu tabata tin banda di caminda. A logra saca e
chauffeur y hinke den ambulance pa wordo atendi. E caso tabata tin un twist cune, a haya dos tas den e auto cual tin
ID di un dama, y tambe e chauffeur a bisa cu tabata tin un persona mas den e auto. A rondia full den yerba y den
vecindario pero no a topa e persona femenino aki. Polis a hasi invetigacion na sitio. Auto a keda tur destrui.