Page 87 - KPA JAN 9

Diadomingo Polis a likida cacho cu a morde donjo na Sabana
Basora

Sunday, 08 January 2017 20:25
Comparti

Diadomingo merdia e polisnan a wordo pidi pa presenta na e cas na Sabana Basora.

Esaki ta e mesun adres cu diabierna e cacho a morde su donjo den oranan di mainta.
Ora e senjora a bay duna e cacho cuminda, e cacho a atake. El a morde tras di su
cabez di tal forma cu mester a hibe hospital den ambulance. Pa cuminsa e no tabata
facil pa personal di ambulance drenta e cura di cas. Polis a wordo avisa diabierna.
Diadomingo e cacho a bolbe cas despues di disparce den mondi den cercania di e
cas. E donjo a duna ok pa likida su cacho. Un conocir di e cas ainda a logra tene e

cacho diadomingo. Asina mes e decision a wordo tuma pa e donjo cu ta mihor mata
e cacho. Polisnan a prepara y cu nan arma largo a los tiro dirigi riba e cacho su
curazon y bente abou mesora. E senjora cu ta biba su so na cas, awor por keda mas
trankil despues di wordo ataka pa su cacho cu tabata hopi tempo mara bou di mata.