Page 27 - KPA FLIP 24 DEC 2016

Noticianan di polis pa 21 di December 2016

Friday, 23 December 2016 19:01
Comparti

Aki ta sigui un resumen di noticianan di polis pa diaranson, 21 di December.

Dama inconcientemente ta hinca comestibles den tas na Supermercado

BUBALI - Diaranson, pa mas of menos 1’or y 45 di merdia, Central ta dirigi patruya di Strandpolitie pa Superfood pa
un caso di ladronicia. Eynan a papia cu e homber B., kende a declara cu el a gara un muhe ta comete ladronicia. E
muhe a indica cu e yama J., y a bisa cu inconcientemente a hinca algun articulo den su tas. El a haci compras y a
paga pa nan, mas of menos na balor di 33 florin. A puntra B. si lo yega na un acuerdo of ta duna keho contra J. A
wordo palabra y a dicidi hunto cu e gerentenan cu lo haci un denuncia.
J. a wordo deteni y hiba warda di strandpolitie, caminda el a keda presenta dilanti fiscal auxiliar y encarcela pa mas
investigacion.

Molester continuo di awa di pos na Jaburibari

JABURIBARI - Diaranson, pa mas of menos 11’or di mainta, polis di bario a ricibi un yamada anonimo for di un
habitante di e bario di Jaburibari, kende ta keha cu e tin hopi molester di holo di awa di pos, posiblemente
procedente di e boerderij di S. Den pasado a busca manera pa drenta den contacto cu S, den cuadro cu e mesun
problema. Despues di e melding a bay na e boerderij di S., caminda cu a papia cu un trahado. El a declara cu tur dia
sigur 8 pa 10 truck ta bin y ta hiba awa sushi di laundramat. Toch e trahado a bisa cu sigur awa di riool ta wordo
basha. A papia varios biaha cu S., pero na e momentonan ey e no tabata riba e isla y lo a bin e dia siguiente. E
trahado lo tuma contacto cu S. y lo avise pa tuma contacto cu e polis di bario. Despues di un buelta den e bario di
Jaburibari, polis a wordo para pa un habitante kende a bisa cu e ta haya hopi molester di holo malo mas parti den
oranan di mainta. El a bisa cu e no por sinta den su cura bebe koffie debi na e holo. Tambe el a haci un conteo di e
cantidad di auto septico cu ta pasa tur siman.
Ta trata aki sigur di un total di 50 auto pa siman. Esaki ta continua.

Ruman homber tabata cultiva mata di marihuana den cas

KAMAY - Diaranson, pa mas of menos 7’or y 40 di anochi, Central ta dirigi patruya na Kamay pa un problema entre
famia. Eynan a papia cu e dama RL, kende a haya problema cu su ruman homber AO. El a cana bay NG Supermarket
pa haci algun compras. Ora el a bin cas bek, el a scucha un zonido di algo cu a kibra parti panort di e cas. Ora el a bay
controla, el a wak cu su ruman homber tabata bezig ta kibrando su bentana di camber pa e drenta paden. El a bay di
biaha pa su camber y a wak cu su ruman homber tabata reboltea den su camber. E ruman homber a push’e y a
menas’e cu e tin un bala p’e. Despues el a coy un tas preto y a core bay direccion nort. Ora cu polis a yega, ya e
homber no tabata tey mas. E dama a declara cu su ruman homber tin mata di marihuana den su camber. Cu su
permiso polis a drenta den e cas. E porta di e camber di e ruman homber tabata cera na candal. Den su camber polis
a haya algun mata di marihuana, tabata tin un saco doorzichtig di plastick cu marihuana aden, un pistool airsoft. Tur