Page 34 - KPA FLIP 24 DEC 2016
P. 34
Yama 100 solamente den
caso di emergencia
Published on December 23, 2016 in Local/SPLASH
ORANJESTAD, Aruba
Pa por brinda siguridad na nos comunidad, Cuerpo Policial Aruba kier ta sigur cu pueblo ta
consciente di e numbernan directo pa drenta den contacto cu nan. Ta haci un apelacion pa laga
number 100 solamente pa casonan di emergencia. Den caso di accidente cu no tin herido, ta
corda chauffeurnan cu mester yama nan compania di seguro pa atende e caso.
Pa esunnan cu mester yama Warda di Polis Oranjestad, por bel na 5273140, pa Polisnan na
Warda di San Nicolas por bel e number 104 y ta haya contacto directo cu nan. Den caso cu
mester tuma contacto cu Warda di Polis Santa Cruz, por bel 105 y den caso cu mester di Polisnan
na Warda di Polis di Noord mester yama 107. E numbernan cortico aki ta pa facilita e comunidad
pa drenta den contacto cu Polis mas facil y lihe.
Cuerpo Policial Aruba ta desea henter comunidad feliz dianan di fiesta. Mirando e weekend
largo di Pasco, lo tin extra Polis disponibel patruyando y garantisando orden publico riba nos
isla.
