Page 13 - AWEMAINTA

Diahuebs, 3 Januari 2019 AWEMainta 13

Partido MEP a cende pagara dilanti su cede na Santa Cruz

Den 2019 nos lo continua cu fe y positivismo

pa sigui pone e ser humano central

FALTANDO algun dia pa aña 2018

termina, diasabra ultimo, Partido MEP

a tira e tradicional pagara na Cede
di MEP y a haya tambe e tradicional

Dande.

Simpatisador y sostenedornan di MEP

a aglomera p’asina gosa hunto cu candi-
datonan y lider di MEP y alabes Prome

Minister di nos pais Evelyn Wever-

Croes y despedi di aña 2018.

Minister Dangui Oduber n’e ocasion a

cende e pagara cu a bira un tradicion di
e partido cu e sentimento pa gradici p’e

cosnan bon cu 2018 a brinda Aruba.

Alabes, a yama 2019 un bon bini bou

di animacion di e tradicional Dande
di Eric Ras y su Grupo. E publico pre-

sente a gosa di un ambiente ameno di
positivismo y speransa pa un aña nobo

yen di prosperidad.

Lider di MEP, Prome Minister Evelyn

Wever-Croes a gradici tur esnan cu ta

sostene partido MEP y cu ta yuda den
e trabounan duro di partido y a expresa

su deseo di por sigui conta cu e sosten

y ayudo den 2019.

“Mi tin confiansa cu 2019 lo ta un mi-
hor aña cu 2018. Partido MEP a scoge

pa pone e ser humano central, pa brin-

da oportunidad na tur hende, sin laga
ningun hende atras. Nos a cuminsa cu

e trabou grandi aki den 2018, y nos lo
continua cu fe y positivismo den 2019.

Di curason danki. AyNob’e”, lider di

MEP a expresa den su palabranan di
encurashamento.