Page 3 - AVB
P. 3
Cu ayudo di Honduras, Corsou ta pasa
pa proximo buelta den Gold Cup 2019
Posted on 06/26/2019 10:48 am AST | Updated on 06/26/2019 10:49 am AST
LOS ANGELES – Cu ayudo di e ekipo di Honduras, Corsou a pasa pa e cuarto di final di
diadomingo awor den Gold Cup 2019 diamars anochi. Corsou mes a empata cu Jamaica
cu score di 1-1 den e ultimo rato, pero mester a warda e wega entre Honduras y El
Salvador despues, pa sa su propio destino. Honduras, e ultimo ekipo di e grupo C, no a
defrauda y a gana di El Salvador cu score di 4-0, eliminando asina El Salvador y dunando
Corsou e di dos posicion di e standing di e grupo. Corsou ta avansa asina pa e siguiente
buelta, y tin cu warda e weganan di awe nochi entre Panama y Merca pa conoce su
contrincante proximo. E siguiente wega di Corsou ta diadomingo awor pa 8:30pm.
