Page 8 - AWEMAINTA

8 AWEMainta Dialuna, 16 September 2019

Lama a tira resto di barco riba beach

SIMAN cu a pasa ey e biento tabata hopi fuerte. Tin dianan cu e lama
tabata basta halto tambe. Y tabata diaranson ultimo cu personanan a
mira yen di hero bieu tira riba beach. Pa casualidad funcionarionan
di Bureau City Inspector a pasa den bisindario y a tuma nota di esaki

tambe.
A resulta cu e lama bruto a coy y a tira resto di e barco den e lama, dilan-
ti Malmok, y a tire riba e beach. Mesora funcionarionan di BCI a acudi
na e sitio y a cuminsa haci preparacion pa kita e materialnan peligroso

aki for di beach.
E bultonan di hero no solamente ta frustia pero tambe e tin diferente
punto cu ta skerpi y si personanan dal nan curpa den dje, e por causa
infeccion serio.

BCI a laga ruim op esaki pa siguridad di tur cu ta bishita nos dushi
lama. Ariba combinacion di foto por mira mas di esaki.
Historia
E barco ey no ta algo cu ta eynan of a wordo poni eynan como atraccion.

Tabata mas o menos 15 aña pasa cu lama bruto a lanta e barco for di
fondo y tire den e awanan dilanti Malmok. Esey tabata durante tempo-
rada di horcan Ivan.
Horcan Ivan a forma y tabata activo for di 2 pa 25 di september, 2004,

y a causa daño na gran parti di Caribe y Merca. E tabata e di nuebe
tormenta cu a haya nomber, e di seis horcan y e di cuatro mas grandi
di esnan activo den 2004 den e temporada di horcan den Atlantico. El a
causa 123 morto.